ફરાળમાં ખાવા માટે બેસ્ટ અને બનાવવામાં સરળ શીરો આજે જ બનાવો.
આજે આપણે બનાવીશું ફરાળી શિંગોડા ના લોટ નો શીરો. આ આપણે કોઈપણ ઉપવાસમાં ખાઈ શકીએ છે. તો ચાલો આપણે તેની સામગ્રી જોઈએ.
સામગ્રી
- સો ગ્રામ શિંગોડાનો લોટ
- ચાર મોટી ચમચી ઘી
- ચાર મોટી ચમચી ખાંડ
- ૧ કપ પાણી
રીત
1- હવે આપણે શિંગોડાના લોટનો શીરો બનાવીશું.
2- સૌથી પહેલા આપણે એક કઢાઈમાં ચાર ચમચી ઘી ગરમ કરવા મૂકીશું.
3- અને બીજી બાજુ ગેસ પર એક તપેલીમાં ૧ કપ પાણી હુંફાળું ગરમ કરવા મૂકીશું.
4- હવે આપણે જે ઘી ગરમ કરવા મૂક્યું હતું તેમાં હવે આપણે શિંગોડાનો લોટ ઉમેરીશું.
5- અને હવે આપણે વારંવાર હલાવતા રહેશું.
6- તમે વીડિયોમાં જોઈ શકો છો કે બેથી ત્રણ મિનિટ માજ આપણો સિંગોડા નો લોટ ધીમે ધીમે ફુલવા લાગશે.
7- શિંગોડાનો લોટ બરાબર ફૂલી જાય અને લોટ નો કલર પણ બદલાઈ જાય ત્યાં સુધી હલાવશું. લોટ ને શેકાતા લગભગ બેથી ત્રણ મિનિટ જ લાગે છે પછી આપણે તેમાં હુંફાળું ગરમ પાણી એક કપ જેટલું ઉમેરીશું.
8- હવે તેને બરાબર હલાવીશું. તેમાં આપણે ખાંડ મોટી ચાર ચમચી નાખીશું.
9- હવે આપણે તેને બરાબર હલાવી લઈશું.
10- હવે તમે વિડિયો માં જોય સકો છો કે આપણા સીરા માંથી ઘી છૂટું પડવા માંડ્યું છે.
11- હવે આપણા સીરા માંથી મસ્ત સુગંધ પણ આવવાં લાગી છે તો હવે આપણો શીરો તૈયાર થઈ ગયો છે.
12- તો હવે આપણે પહેલા એક પ્લેટમાં શીંગોડા ના લોટ નો શીરો કાઢી લઈશું. અને ડ્રાયફ્રુટથી ગાર્નીશિંગ કરીશું.
13- તો આપણો શીરો ફટાફટ તૈયાર થઇ ગયો છે નવરાત્રીમાં તમે ચોક્કસ થી બનાવજો ખાજો અને ખવડાવો.
વિડિઓ રેસિપી :